காதலனை வழியனுப்பும் காதலி

நான் துடிக்கும் வேதனை 

அவனையும் வதைக்குமே 

எப்படி தேற்றப்போகிறான் 

பார்க்கும் இடங்களிலும் 

பாராத நினைவிலும் நான் 

நின்றுகொண்டே இருப்பேனே 

என்னவனிடம் குடியிருக்கும் 

என் நினைவுகளே 

எங்கோ போய் 

தற்கொலை 

செய்துகொள்ளுங்கள் 

அவன் புது நினைவுகளுடன் 

புதுவாழ்வை தொடரட்டும் 

ஆயிரம் மலர்களிலும் 

அந்திவான நிலவிலும் 

வீசும் தென்றலிலும் 

விடியற்காலை பொழுதிலும் 

என் நினைவுகள் பளிச்சிடுமே 

இவளின் நினைவுகள் 

அவனின் இதயம் விட்டு 

சென்றிட வேண்டுமே 

இனியவளின் நினைவுகள் 

அதில் புகுந்திடவே 

மகிழ்ச்சி அவன் 

மனமெங்கும் இனிதாய் 

நிறைந்திட வேண்டும் 

வலியோடு நீ மாலைசூட 

வாழ்க்கை வழிதெரியாமல் 

போகக்கூடும் நீ 

வலிபொருத்து 

விழிநீரால் இதயத்தின் 

நினைவை அகற்றிடு 

வருபவளின் கைபிடித்திடு 

உன் மனமென்னும் 

வீட்டில் மேடையமைத்து 

ஒட்டடை தட்டிடு 

உள்மனதில் அவளை 

புகுத்தி புதுவிழா எடுத்து 

புது வாழ்வில் நுழைந்திடு ...

...கவியாழினி...