ஏல பேராண்டி சௌக்கியமா சீமாட்டி

ஏல பேராண்டி சௌக்கியமா சீமாட்டி 

உன்ன பாக்கவேண்டி பொலம்புரண்டா உன்பாட்டி 

பாசமான உன் பேரசொல்லி மகிழ்ந்து 

பசுமாட்டில் பால்க் கரந்தன் 

தூங்கி மகிழும் உன் மெய்யழக 

தும்பிக்கிட்ட சொல்லி ரசிச்சன் 

சோம்பல் முறிக்கும் உன் அழக 

சோலை வண்டுகிட்ட பேசி மகிழ்ந்தன் 

பாலகன் உன்ன பார்க்க தவிக்கும் தவிப்பை 

பச்சைகிளியிடம் சொல்லி வச்சன் 

தெள்ளமுது உன் குரல் கேட்ட மகிழ்ச்சிய 

தென்றலையும் கூட்டிவந்து சொல்லி வச்சன் 

பாடம் படிக்கும் உன் அழக பார்த்து ரசிச்சத 

பட்டாம்பூச்சிகிட்ட பகிர்ந்துகிட்டன் 

விளையாடும் உன் அழக அப்படியே 

வெள்ளாட்டு காதுல விவரிச்சன் 

குளிக்க குறும்பு செய்யும் உன் குணத்த 

குயிலுகிட்ட சொல்லி ரசிச்சன் 

சுத்தி சுத்தி ஓடிவரும் உன் சுறுசுறுப்ப 

செவ்வெறும்புகிட்ட சொல்லி மகிழ்ந்தன் 

கண்ணடிக்கும் உன் அழக கண்டுகளிச்சத 

கம்மாகர மீனுகிட்ட கடலளவு சொல்லிவந்தன் 

கோவத்தில் கோச்சிக்குற உன் அழக 

கோழிகுஞ்சுகிட்ட கொஞ்சி மகிழ்ந்தன் 

உன் ஞாபகங்கள் உள்ளிருந்து ஆட்சிசெய்ய 

நிசமா உன்ன பாக்கனுன்னு கோடை 

விடுமுறைய சீக்கிரமா விட சொல்லி நம்ம 

கோணங்கிஅய்யாசாமிக்கு வேண்டிக்கிட்டன் 

சீக்கிரமா வந்துவிடு என் ராசா 

உன்ன பாத்து மகிழவே வச்சிருக்கன் என் உசுர பெருசா 

வரும் பாத பாத்து காத்துருக்கன் உன் ஆத்தா .. 

... கவியாழினி...

எரிகிறது மெழுகுவர்த்தி

இருட்டில் பிறந்து இருட்டில் மடியும் 

வாழ்வினிலே வெளிச்சம் கண்டு 

மனிதனாடும் ஆட்டம் இங்கு 

கொஞ்ச நஞ்சம் அல்லவே 

உழைத்தவனின் உணர்வை கொன்று 

திருடிய பணத்திலே தினமும் வாழ்கிறான் 

வெற்றி மகுடம்

பிறப்பு முதல் இறப்புவரை இங்கு 

அனைவரின் ஆவல் வெற்றியே 

எளிதில் கிடைத்த வெற்றி வெறும் 

எள்ளளவில் மகிழ்ச்சி தரும் 

குறுக்குவழியில் பெற்ற வெற்றி குறுகிய 

நேரத்தில் மறைந்து போகும் 

கற்சிலையும் கண்ணீர் வடிக்கும்

பட்ட படிப்பு படித்து பணிசெய்து 

வீடுகட்டி பாவையிவள் 

கவலையின்றி வாழுகிறாளென 

பேசிடும் ஊரார்க்கு தெரியுமோ 

படாதபாடு பட்டு படிப்படியாய் 

படிப்போடு பணிசெய்து பண்போடு 

அவள் வாழும் வாழ்வு 

உறவாளன் வந்திருந்தும் சிரித்து 

பேச கூட பிடிக்கலையோ சிறுக்கிக்கு 

தனியாகவே வாழ்வை சமாளிக்கும் 

அசட்டு தைரியோமோவென பேசும் 

உறவினருக்கு தெரியுமோ 

படிக்கிறேன் நானும் துடிக்கிறேன்

பள்ளிக்கூடம்  போயி நானும் 

பாங்காத்தான் படிக்கிறேன் 

அதுக்காக பலபாடு பட்டுக்குறன்

அஆஇஈ அழகா சொல்லிதந்த 

தாய்மொழின்னு என்பாட்டி  தவறியும்

நா பேசிபுட்டா  கட்டிடனும் அபராதம் 

ஆணவனின் தாய்மை

பிரசவ அறைக்கு தன் 

மனைவியை அனுப்பி 

வெளிநின்று தவித்து -தன் 

இதயமென்னும் கருவறையில் 

மனைவி பிள்ளையென 

இருவரை சுமந்திருக்க 

விலையேற்றம்

ஓலை வீட்டில் இருந்தாலும் 

ஒய்யாரமாய் நான் வாழ்ந்தேன் 

ஒரு பிடி உண்பதற்கும் என்னை 

ஒருமுறை கடித்து உண்பான் 

உழைத்து வருபவனின் உடல்வலியையும் 

என்னை ரசித்து சாப்பிட மறந்துபோவான் 

இன்று எட்டிநின்று என்னை வேடிக்கை 

பார்த்து விரைந்து செல்கிறான்